زى ما وعدتكو \\\\ اسس الغش والاساليب//// كان نفسى تكون قبل الامتحان

زى ما وعدتكو اسس الغش والطرق بس كان نفسى تكون قبل الامتحانات ((يلا لما تعيدو ان شاء الله تبقو تنفذوها))

هنخش علي الموضوع وهنظبطك في الامتحانات بس ابقي افتكرني بدعوه




دلوقت حضرتك بتبقى قاعد فى اللجنة لايص كدة وعايز تاخد كلمة من هنا او هنا


عملية دى عشان تتم ليها ابعاد كتير اوى واسس علمية مبنى عليها الكلام دة
فبعد سنوات وسنوات من البحث والدراسات المتعمقه الدائبه التي قام بها الخبراء في فن صناعه البراشيم في ابتكار طرق الغش لخدمه ابنائنا الطلاب الفشله ومن اجل تظبيطهم في الامتحانات وحمايتهم من السياسات الوحشيه والقهر الذين تعرضون له من فئه الدكاتره وحرقا لقلبهم علي الورق الفاضي حددنا الاسس الاتيه لتنظيم عمليه الغش في الامتحانات بدلا من انها سداح مداح

.................الاسس العمليه للغش في الامتحانات.................


-اولا الاعتماد على النفس بمعنى انك ماتكونش عامل حسابك ان حد حيغششك يعنى تزبط نفسك برشام المنهج كله او الحاجات التقيلة منه (لو سيادتك مذاكر حاجة) تمام

2-بعدين لازم تكون مصاحب 3/4 اللجنة عشان الزنقة وطبعا اللى قدامك واللى وراك خصوصا

4-تكون متفق مع الاتنين على معاد معين اول مايجى تبدل مع واحد فيهم ورق الاسئلة

ايوة ماتستغربش ورق الاسئلة هى دى المرحلة الاولى عشان بتعلموا فيها على الاسئلة اللى انتوا مش عارفينها بعديها بفترة معينة ترجعوا ورق الاسئلة لبعض بعد ماتكونوا حلتوا المطلوب

بلاش انانية لما يديك ورقة الاسئلة جاوبلوا سؤالين تلاتة من اى حد او لو ماعرفتش حورلوا فى واحد وقولوا ماعرفتش الاتنين التانيين

5-احسن واضمن طريقة(الهجوم خير وسيلة للدفاع) واللهى ماحتصدق بس انا جربتها ونفعت حط البرشام قدامك على الديسك فوق ورقة الاسئلة ولا حد حاسالك ايه ده

لان كل المراقبين بيركزوا على نقل الورق واللى تحت الديسكات

ولو فرضنا ان حد سالك قوللوا انك كتبتها بعد الامتحان مابدا وانت حاتتها فوق يعنى مش خايف من حاجة


6-طبعا لازم الطرق التقليدية زهى انك تحط الورق فى الحمام وتدخل الحمام بعد ماتجمع الاسئلة اللى انت محتاجها بس اللى مش تقليدى انك تحطها فى حمام الدكاترة لو قريب من اللجنة وساعة المتحان ماحدش حايقولك ماتدخلش دة باع الدكاترة بس وطبعا عمر ماحد يشك ان فى حد ممكن يحط حاجة فى حمام الدكاترة

7-واهم حاجة انك قبل اللجنة تتصاحب على المراقبين عشان اى مشكلة ولا حاجة حصلت ماتتبهدلش جامد


نسيت اهم حاجة لو وقعت اياك تسيح على بنى مهما كان لازم تكون معاهم للنهاية انت خلاص هما لسة



ودلوفتى هنحط الموضوع على شكل قواعد..........


-كلنا اخوات فى اللجنة من اول يوم امتحانات لاخر يوم بعد كدة اتخانق مع اللى انت عايزه

2-اياك تبخل على حد بحاجة انت عارفها(طبعا لو قريت الموضوع ده يبقى انت ولا تعرف الالف من كوز الدرة)

3-لو اللجنة سايبة لازم 3 حاجات السرعة والدقة والصمت دول حاينجحوا اللجنة كلها بجيد

4-لو اللجنة سايبة ماتخدش من حد حاجة طلع برشامك عالصريح كدة وخد منه الى انت عايزة بعدين غشش الناس

5-لازم قبل اللجنة المراقبين يفتكروا انك عايد اولى تلات مرات وتانية تلات مرات وتحاول تصعب عليهم بالقوى عشان يعملوا نفسهم مش شايفينك اثناء اللجنة

6-لابد ان تلتزم بالقاعده (من غشنا فليس منا ومن غششنا فهو مننا وعلينا)

هههههههههههههههههههه
كدة احنا ضمنا نترفد من الامتحانات
بس حلوة

دايما منورنا فى مواضيعنا برغم ان فيه تسعه دخلو قبل منك إنما محدش رد

ههههههههههههههههههه وبردو فى دعاء بيقول * اللهم قرب ورقه زميلى منى وابعد عين المراقب عنى 00000000* ينفع بردو فى وقت زنقه

شكراااااا للموضوع المميز سمول انجل

شكرا لمرووووووورك اهلاوى